ಸಂಭ್ರಮ

ಪುಟ ತಿರುವಿದಾಗೆಲ್ಲ
ಒಂದೊಂದು ಸಾಲು ಬರೆಯುತ್ತೇನೆ...
ತೆರೆಯಲು ಭಯ...ಸಾರಲು ಭಯ..
.ಮನದ ಮುಗಿಲಿಗೆ ಭೂಮಿ ಹಸಿರುಟ್ಟ ಸಂಭ್ರಮ...

ಬರೆದಾಗಲೆಲ್ಲ ಒಂದೊಂದು 
ಸೊಲ್ಲು ಸೇರಿಸುತ್ತೇನೆ..
ಸಾರಲು ಭಯ... ತಲೆದೂಗಲು ಭಯ...
ಮನದ ಬಿದಿರಿಗೆ ತಾನು ಹಾಡದ ಸಂಭ್ರಮ...

ಮೆರೆವಾಗಲೆಲ್ಲ ಒಂದೊಂದು
ಮೊರೆ ಸಲ್ಲಿಸುತ್ತೇನೆ...
ಕಾಡಲು ಭಯ... ಬೇಡಲು ಭಯ... 
ಮನದ ಗೆಜ್ಜೆಗೆ ಲಜ್ಜೆಗಳ ಹೆಜ್ಜೆಗೆ  ಎಗ್ಗಿಟ್ಟ ಸಂಭ್ರಮ...

ಬಿಕ್ಕಿ ಅಳುವಾಗೆಲ್ಲ ಹಲವು
ನಗೆಯ ಕೊಳ್ಳುತ್ತೇನೆ...
ಮಾತುಗಳ ಭಯ..ಮುರುಕು ಮೌನಗಳ ಭಯ...
ಮನದ ಹಕ್ಕಿಗೆ ನೆಲಿಯಲಿ ತೇಲಿ ತಾನ್ ಮರೆಯಾದ ಸಂಭ್ರಮ...