ಕಾಡಿರದೆ ಒಂದಿನಿತೂ....???
ಬರಿ ಕಲ್ಲುಗಳ ಬೋಳು ಬೆಟ್ಟ!ಸಂದಿ ಗೊಂದಿಯಲ್ಲೇ ಚಿಗುರಿ ನಲಿವ
ಹಸಿರು,ಹೂವು!
ಪುಟ್ಟ ಮೆಟ್ಟಿಲುಗಳ ಅಪೂರ್ವ ಸ್ವಾಗತ..
ಪ್ರತಿ ಹೆಜ್ಜೆಗೂ ಕುತೂಹಲದ ಇಂಗಿತ!
ಸುತ್ತ ನೋಡಿದರೆ,
ಸರ್ವಾಲಂಕಾರ ಭೂಷಿತೆ ಪೃಥ್ವಿ ದೇವಿ...!
ಕೊಂಚ ಸಾಗಿ ಕತ್ತೆತ್ತಿದರೆ
ವಿರಾಜಮಾನ ಗೊಮ್ಮಟ ಮೂರ್ತಿ !
ಅದೆಷ್ಟೋ ಜನ ಪೂಜಿಸುತ್ತಿದ್ದಾರೆ,
ಬೇಡುತ್ತಿದ್ದಾರೆ, ಭಜಿಸುತ್ತಿದ್ದಾರೆ.....
ಏನಕ್ಕೂ ಏನು ಇಲ್ಲದಂತೆ ನಿಂತಿದ್ದಾನೆ ಈತ ಎಂದಿನಂತೆ
ಮನದಲ್ಲೊಂದು ಗೊಂದಲದ ಸಂತೆ!
ಕಾಡಿರದೆ ಒಂದಿನಿತೂ ಆತನನು
ತಾನೇಕೆ ಹೀಗಾದೆನೆಂಬ ಚಿಂತೆ?...?
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ