ಎಲ್ಲಿ ಹೋಯಿತು ???
ಎಲ್ಲಿ ಹೋಯಿತು
ನನ್ನ ಆ ಸರದ ಮುತ್ತು?
ಎಷ್ಟು ಚಂದಿತ್ತು ಗೊತ್ತೇ?
ಕಳಕೊಂಡು ಬಿಟ್ಟೆ...
ಬೆರಳಿಗೂ ಸಾಥ್ ನೀಡುತ್ತಿತ್ತು
ಭಯವಾದಾಗ....
ಕೈಗೆ ಕೈ ಬೆಸೆಯುತ್ತಿತ್ತು
ಖುಷಿಯಾದಾಗ...
ಯಾವಾಗಲೋ ಒಮ್ಮೆ ಜಡೆ ಮುತ್ತು ಕೂಡಾ
ಭಾನುವಾರ ಕನ್ನಡಿಯ ಮೂಲೆ ಮಾತ್ರ...
ಗೊತ್ತಿಲ್ಲ ಮುನಿಸು ನನಗೋ ಅದಕೋ...?
ಎಲ್ಲಿ ಪುಟಿಯಿತೋ ಏನೊ
ಕಸಕೋ ರಸಕೋ...
ವರುಷಗಳ ಮೀಲೋಮ್ಮೆ ಕಣ್ ತುಂಬಿ ಬಂದಾಗ
ಹಸಿರೆಲೆಯ ತುದಿಯಿಂದ
ಹನಿ ಉದುರಿ ಬಿತ್ತು....
ಎಲ್ಲಿ ಹೋಯಿತೋ ಏನೋ
ನನ್ನ ಆ ಸರದ ಮುತ್ತು....?
